Rusiye tarafından ilhaq etilgen Qırımnı azat etmek içün Keriç köprüni yoq etmek kerek, çünki bu "logistika elementidir", dep bildirdi jurnalist Natalya Moseyçukqa bergen intervyüsında Ukrayina Arbiy deñiz quvetleriniñ komandanı Aleksey Neyçappa.

Ukrayina 10 yıllıq cenkke azırlanmaq kerek, dep tüşüne Qırımlı rejissör ve arbiy hızmetçi Oleğ Sentsov. Bunı o, "Real" filminiñ premyerası vaqtında Azatlıq Radiosına bergen intervyüsında bildirdi.

Nariman Celâlnen beraber Kremlniñ diger esirleri – ağa-qardaş Asan ve Aziz Ahtemovlar, Leniye Umerova ve qırımlı aq qorçalayıcı Server Mustafayevniñ Rusiye esirliginden azat etilmesi mümkün edi. Bu aqta qırımtatar milliy lideri Mustafa Cemilev Qırım.Aqiqat Radiosınıñ yayınında ayttı.

Uydu resimleri, Rusiye ordusınıñ arbiy poligonı yerleşken Çauda burnu rayonında yanğın meydanı bir qaç kere arttı, dep köstere. Bu aqta Azatlıq Radiosı bildire.

İyünniñ 26-nda Ukrayınada Qırımtatar bayraq künü qayd etile – birlik, qırımtatarlarnıñ nesil bağı ve kelecek azatlığı ve aqları oğrunda küreşniñ timsali.

Qırımda Rusiye akimiyeti tarafından devlet hainligi (RF Ceza kodeksiniñ 275-inci maddesi) ve çetel devleti ile işbirligi (RF Ceza kodeksiniñ 275.1 maddesi) maddeleri boyunca qabaatlavlar arttı. Bu aqta ZMINA insan aqları merkeziniñ idare yolbaşçısı Tatyana Peçonçik Halqara "Qırım platforması" Ekspert ağınıñ III Halqara forumı vaqtında ayttı, dep haber ete "Suspilne Qırım".

Ukrayina Silâlı quvetleriniñ Baş ştabı ilhaq etilgen Qırımğa gece ücüm etkenini bildirdi.

Rusiye Federatsiyası kontrolindeki Aqmescitteki Kiyev rayon mahkemesi «Qırım» mustaqil qırımtatar gazetasınıñ muarriri Bekir Mamutovğa para cezasını berdi, dep haber ete «Qırım esnası».

Ukrayinada cenk başlağanından berli tahminen 700 biñ musulman Rusiye işğali altında qaldı, 300 biñ ise mecburen köçkenler oldı, dep bildire Ukrayina prezidentiniñ Qırım Muhtar Cumhuriyetindeki Temsilciliginiñ matbuat hızmeti.

Qırımda raatlıq künleri yağğan sağanaqlar Qırımdaki suv qıtlığı vaziyetine tesir etmedi. Bunı Qırım.Aqiqatqa #LiberateCrimea Qırımnıñ işğalden azat etilmesi içün halqara areketniñ Qırım bölüginde bildirdiler.

Qırımnıñ Aqmescit rayonınıñ 32 yaşında sakinine qarşı Rusiyege qarşı cenkleşmek içün Erivandan esas Ukrayınağa ketkeni içün cinaiy dava açıldı. Bu aqta ASTRA Telegram kanalı menbalarına esaslanıp yaza.

Rusiye quvetçileri Keriç köprüni "saqlamağa tırışalar" ve oña sekiz barja qoydı, dep aytıla Büyük Britaniya Mudafaa nazirliginiñ istihbaratınıñ beyanatında.

Qırımnıñ Baş Müftisi Ayder Rustemov ve «Umma» Ukrayına musulmanları diniy idaresiniñ müftisi Murat Suleymanov İsviçrede keçirilecek Barışıq sammiti arfesinde musulman memleketleriniñ ükümetlerini Ukrayınanıñ «er kesni qaplağan, adaletli ve dayanıqlı bir barışıq» tiklenmesi içün ğayretlerine qoltutmalarına çağırdılar.

Ukrayinada Rusiye istilâsı neticesinde 548 bala elâk oldı, eñ azından 1351 bala yaralandı, dep bildire Ukrayina baş prokurorınıñ ofisi.

ABD-de belli qırımlı jurnalist ve fotoressam Andrey Kanışçev ağır hastalıqtan soñ vefat etti. Bu aqta jurnalistniñ tuvğanları içtimaiy ağlarda bildirdi.

Rusiye uquq qoruyıcıları «qırımlı musulmanlar davasının» mabüsleri cankoyli Enver Halillayev, Arsen Kaşka ve Cadra (Lobanovo) köyüniñ cami imamı Vahid Mustafayevni Aqmescitteki hastahanege mecburiy mahkeme-psihiatrik ekspertizağa yolladı. Bu aqta «Qırım birdemligi» cemaat birleşmesine advokat Emil Kurbedinov tarif etti.

Rusiye akimiyetiniñ malümatına köre, ilhaq etilgen Qırımda "soñki çan bayramı telükesiz rejimde keçecek". Mayısnıñ 24-nde 4, 9 ve 11 sınıflar içün tedbirler büyük zalda keçirilecek, qalğan bütün talebeler içün — odalarda. Bunı Qırımtatar Milliy Meclisi reisiniñ muavini İlmi Ümerov haber etti.

BM Halqara mahkemesiniñ Irqiy ayırım şekilleriniñ yoq etilüvine dair halqara şartnamesini bozuv qararından soñ işğal etilgen Qırımda qırımtatarlarnıñ taqip etilüvi quvetleşti, dep bildirdi Qırımtatar resurs merkeziniñ uquqçısı Lüdmila Korotkih «Suspilne» yayınlayıcısına.

"Serbest Qırımğa mektüpler" teşebbüsi çerçivesinde qırımtatar asıllı ukrayin rejissörı Nariman Aliyev qırımtatar faali ve jurnalisti Asan Ahtemovnıñ mektübini oqudı. Rusiye mahkemesi onı "diverssiya" davası boyunca 15 yılğa üküm etti.

Qırımnıñ Keriç rayonında Rusiye uquq qoruyıcıları merkeziy rayon hastahanesiniñ emşiresini Rusiye ordusını aqaretlegeni ve Ukrayına Silâlı quvetlerine qoltutqanı içün tuttı. Bu aqta Rusiye tarafdarı bloger Aleksandr Talipovnıñ «Krımskiy SMERŞ» Telegram kanalı bildire.