Ukrayina prezidenti Volodımır Zelenskıy Rusiye qanunsız tutqan qırımtatarlarnı azat etüv esnasında olğan qıyınlıqlar aqqında tarif etti.

Türkiye prezidenti Recep Tayyip Erdoğan Qırım Ukrayinağa qaytarılmalı, çünki halqara uquq bunı talap ete, dep bildirdi. Bu aqta o, «Qırım platforması» sammitiniñ iştirakçilerine muracaat etip ayttı, dep bildire TRT Haber kanalı.

Sentâbrniñ 10-na keçer gecesi Rusiyege bir qaç regionda dronlar ücüm etti, dep haber ete yerli akimiyet.

Ötkerilecek «Qırım platforması» sammitinde 5 esas mevzu muzakere etilecek, olarnıñ arasında Rusiyeniñ Qırımnen bağlı mifleri bar. Bu aqta Ukrayina prezidentiniñ Qırım Muhtar Cumhuriyetindeki daimiy vekili Tamila Taşeva Qırım.Aqiqat Radiosınıñ yayınında ayttı.

Qıtay ve Rusiye sentâbr ayında «Şimal-İşbirligi 2024» adlı arbiy talimlerini keçirecekler. Bu aqta Qıtay halq cumhuriyetiniñ mudafaa nazirligi bildirdi. Talimlerde arbiy-deñiz flotu ve aviatsiya iştirak etecekler. Manevrler Ohotsk ve Yaponiya deñizlerinde ve olarnıñ ava boşluğında yapılacaq.

Rusiye Ukrayina Silâlı quvetleriniñ Kursk vilâyetindeki bir aylıq ameliyatı neticesinde tahminen 6 biñ askerini ğayıp etti, dep bildirdi Ukrayina prezidenti Volodımır Zelenskıy "Ramştayn" formatında Ukrayina mudafaası boyunca kontakt gruppasınıñ toplaşuvında.

"Sarı şerit" areketiniñ faalleri qırımlılarnı sentâbrniñ 6-ndan 8-ne qadar ilhaq etilgen Qırım yarımadasında Rusiye tarafından keçirilgen qanunsız saylavlarnı körmemezlikke urmağa çağıralar. Mütenasip çağıruv areketniñ telegram kanalında derc etildi.

Rusiyeliler ketmege mecbur olacaqlarını tahmin etip, işğal etilgen Qırımda köçmez mülk almay. Bu aqta Qırımtatar resurs merkeziniñ idare yolbaşçısı, Qırımtatar Milliy Meclisiniñ azası Eskender Bariyev Radio NV intervyüsında ayttı.

Rusiye saylavları arfesinde işğal etilgen Qırımda Rusiye Federatsiyasınıñ uquq qoruyıcıları qırımtatar faallerine «qanun bozulmaycağına dair tenbiler» bermege tırışa, dep haber etti Qırımtatar Milliy Meclisiniñ reisi Refat Çubarov.

Büyük Britaniyanıñ Ukrayinadaki elçisi Martin Harris Kıyivdeki resmiy rezidentsiyasında Qırım ve qırımlılarğa bağışlanğan yañı odanı açtı, dep bildire elçihaneniñ matbuat hızmeti.

Kıyivde Rusiye raketa darbesiniñ neticesinde Qırım musulmanları diniy idaresiniñ camisi zarar kördi. Bu aqta Qırım musulmanları diniy idaresiniñ Facebook saifesinde haber etile.

Rusiye qurğan Qırım federal universitetinde üçünci kursnıñ bütün studentleri içün mecburiy arbiy azırlıq kirsetile, dep bildire «Sarı şerit».

Ukrayinada Herson şeer mahkemesi Qırımtatar Milliy Meclisiniñ Herson vilâyetindeki regional bölükniñ sabıq reisi, Ukrayina prezidentiniñ Qırım Muhtar Cumhuriyetindeki daimiy temsilcisiniñ sabıq yardımcısı Asan Aliyevni ğıyabiy şekilde 10 yılğa üküm etip, mülkini musadere etmege qarar berdi.

NATO baş kâtibi Yens Stoltenberg avgustnıñ 28-nde çarşenbe künü Kıyivniñ ricası ile Ukrayina — NATO Şurasınıñ toplaşuvını çağıra. Bunı Reuters agentligi, ittifaqdaşlıqnıñ matbuat kâtibi Farah Dahlallahnıñ beyanatına atıf etip bildire.

LiberateCrimea Qırım faalleri bildirgenine köre, bu kibi kampaniya ealiniñ havfsızlığı içün kerçek bir qayğı degil, diqqatnı başqa yönelişke alıp ketken siyasiy usul ola.

The Washington Post neşiri Rusiyeniñ Kursk vilâyetinde Ukrayina ordusınıñ operatsiyası başlağanından yapılğan yüzden çoq video ve fotoresimlerni incelep, eñ az 247 Rusiye askeriniñ esir tüşkenini tasdıqladı.

Ukrayina prezidentiniñ Qırım Muhtar Cumhuriyetindeki temsilciligi yanında çalışqan Qırımnıñ işğalden fikriy azat etüv meseleleri şurası «Qırım ukrayinleri: işğalden fikriy azat etüv esnasında ukrayin kimligini ğayrıdan tiklev adımları» mevzusında tedbir keçirdi. Bu aqta Qırım.Aqiqat mühbiri haber ete.

Rusiye tış işler naziri Sergey Lavrov, Kursk vilâyetinde Ukrayina ve Rusiye arbiy quvetleriniñ ücüminden soñ Ukrayina ve Rusiye arasında muzakerelerniñ olması imkânını red ete